Eır Astanaǵa 6,7 mlrd teńge kóleminde ákimshilik aıyppul salǵanyn budan buryn habarlaǵanbyz.
Osy máseleniń anyǵyn bilmek bolǵan Almaty-akshamy.kz saıtyna kompanıa mynadaı túsinikteme berdi.
Qazaqstan Respýblıkasy Básekelestikti qorǵaý jáne damytý agenttiginiń "Eır Astana" AQ-ǵa áýetasymal naryǵyndaǵy ústem jaǵdaıdy teris paıdalanǵany úshin ákimshilik aıyppul salý týraly aqparatyna qatysty mynany habarlaımyz. Áýekompanıa qurylǵan kúninen bastap óz qyzmetin Qazaqstan Respýblıkasynyń zańnamasyna sáıkes júzege asyrady. Áýekompanıanyń kóptegen tergeýleri men tekserýleri monopolıalyq joǵary baǵalardy belgileý úshin, tasymaldaýshynyń jumysynda buzýshylyqtardy anyqtaǵan joq. Agenttik júktegen quqyq buzýshylyq tek qana otyn alymyn óndirip alýǵa qatysty jáne negizsiz.
Eń aldymen, áýekompanıalardyń otyn alymyn alýy zańdy quqyq bolyp tabylady jáne "Áýe keńistigin paıdalaný týraly" QR Zańynda qarastyrylǵan. Búgingi tańda bul norma qoldanylady, bul týraly Agenttiktiń ózi birneshe ret málimdedi. Sonymen qatar, ákimshilik jaýapkershilikke tartý sottyń isti qaraýy kóptegen is júrgizý buzýshylyqtarymen júrgizildi. Áýekompanıasy sot aktisine shaǵymdanady. Al Agenttik jaýapkershilikke tartý tártibin buzdy, bul Astana q. MAÁS-tyń Agenttiktiń áreketterin/áreketsizdigin zańsyz dep taný týraly (zańdy kúshine enbegen) sheshimimen rastalady.