Qoıylymda kópshilik sahnalary men halyq ánderi dástúrli ónerimizdiń aıqyn kórinisterinen syr shertedi
8 - maýsym kúni Almatydaǵy «Alataý» dástúrli óner teatrynyń sahnasynda M.Áýezovtyń 125 jyldyq mereıtoıyna oraı «Aıman-SHolpan» atty mýzykalyq komedıasynyń premerasy ótedi, dep habarlaıdy Almaty-akshamy.kz atalǵan teatrdyń baspasóz qyzmetine silteme jasap.
Rejıseri Juldyzbek Jumanbaı. M. Áýezovtiń 1956 jyly jazylǵan «Aıman-SHolpan» atty mýzykalyq komedıasynyń ekinshi nusqasyna negizdelgen qoıylymda ulttyq oıyndar men horeografıa spektákldiń kórkemdik tutastyǵyn saqtaıdy.
Sonymen qatar qoıylymda kópshilik sahnalary men halyq ánderi dástúrli ónerimizdiń aıqyn kórinisterinen syr shertedi. Búgingi ulttyq rýhymyzdyń qaıta jańǵyrýy tusynda kórkemdik sıpaty halyqtyń salt-dástúr boıaýymen árlengen qoıylym janr talabyna saı jeńil ázil, mahabbat shıelinisin, keıipkerler minezderin, jeńil mýzykalyq áýenmen oqıǵalar baılanysyn kórsetedi. Rejıser ulttyq salt-dástúrimizdegi halyq ánderi, aıtys, ulttyq oıyndar, bı qımyldaryn qoldaný arqyly spektáklge óń beredi.