Ambýlatorıalyq jaǵdaıda em alatyndar sany 4 ese qysqarǵan.
Qazaqstannyń densaýlyq saqtaý vıse-mınıstri — Qazaqstan Respýblıkasynyń Bas memlekettik sanıtar dárigeri Aıjan Esmaǵambetova eldegi epıdemıologıalyq jaǵdaıdy baıandady, dep habarlaıdy Almaty-akshamy.kz QazAqparatqa silteme jasap.
«Búgin elimizde koronavırýs ınfeksıasy boıynsha epıdemıologıalyq jaǵdaı jaqsaryp keledi. Sońǵy eki aptamen salystyrsaq, syrqattaný deńgeıi 4,7-ge tómendedi. Al stasıonarda em alatyn naýqastar sany eki ese azaıdy. Ambýlatorıalyq jaǵdaıda em alatyndar sany 4 ese qysqardy», - dedi Aıjan Esmaǵambetova QR DSM uıymdastyrǵan onlaın dáriste.
Spıkerdiń aıtýynsha, elimizde vaksınalaý jánen revaksınalaý jumysy jalǵasyp jatyr.
«Búgingi kúni qazaqstanda koronavırýsqa qarsy vaksınanyń birinshi komponentin 10 mıllıonnan astam qazaqstandyq aldy. Búgingi kúni egilýge tıisti eresek turǵyndardy vaksınamen qamtý 82 paıyzdy, jalpy halyqtyń 53 paıyzyn qurady. 2 mln 400 myńǵa jýyq adam revaksınalaýdan ótti. Ol aqpan aıynda egilýge tıisti halyqtyń 52 paıyzyn qamtydy. Bul kórsetkish jaman emes», - dedi Bas memlekettik sanıtar dáriger.