Brazılıanyń dańqty fýtbolshysy Romarıo shegege ilgen býtsyıyn qaıta kıetin boldy. 58 jastaǵy sportshynyń bul árektke barýyna qarjy tapshylyǵy emes, júrek qalaýy sebep bolǵan dep jazady Globo ıýasylymy.
Brazılıa quramasynyń eks-shabýylshysy Rıo-de-Janeıronyń «Amerıka» klýbymen kelisimshart jasasqan. Klýb el chempıonatynyń D serıasynda óner kórsetedi jáne eń qyzyǵy, Romarıonyń ózi – osy klýbtyń prezıdenti.
Belgili bolǵandaı, Romarıo jastaıynan óz ulymen bir klýbta óner kórsetýdi armandaǵan eken. Onyń 30 jastaǵy balasy Romarıno qazir «Amerıkada» óner kórsetedi. Endi ol ákesimen jup quryp oınamaq.
Al, ardager fýtbolshy ózine taǵaıyndalǵan jalaqyny tolyqtaı klýb búdjetine qaıta qaıtaratynyn málimdedi.
Romarıo – 1994 jylǵy álem chempıony. Ol Brazılıa quramasynda 70 mach ótkizip, 55 gol soqqan. Gol sany jaǵynan Neımar, Pele jáne Ronaldodan keıingi tórtinshi orynda tur.