Sottan keıin stendaper arnaıy vıdeo túsirip, keshirim surady
Almatyda stendap kezinde áıelderdi balaǵattaǵan jigit qamaldy, dep habarlaıdy Almaty-akshamy.kz.
Aıta keteıik, áleýmettik jelide kesh qonaqtarynyń aldynda óner kórsetip turǵan stendaperdiń áıelderdi qorlaıtyn balaǵat sózdi birneshe márte qaıtalap aıtqan vıdeosy tarady.
Keıinnen onyń 2000 jyly týǵan Andı Topalıdısý ekeni málim boldy.
Osyǵan oraı Almaty qalasy Medeý aýdandyq polısıa basqarmasy Ákimshilik quqyq buzý kodeksiniń 434-baby boıynsha is qozǵady.
Búgin keshke Almaty qalasy boıynsha mamandandyrylǵan aýdanaralyq ákimshilik sotynyń qaýlysymen ol kináli dep tanylyp, 10 táýlikke ákimshilik qamaqqa alyndy.
Sottan keıin stendaper arnaıy vıdeo túsirip, keshirim suraǵan.