Bul saılaý - tek aýyldyń ǵana ákimin saılaý emes. Qazaqstan Orta Azıa elderiniń ishinde tuńǵysh ret ákimderdi halyq saılaıtyn dárejege jetip otyr.
Bul – revolúsıalyq mańyzy bar qadam. Saıası mádenıetin ǵana ózgertip qoımaıdy, jalpy, qoǵam men bıliktiń arasyn jaqyndatyp, bıliktiń tabıǵatyn, bolmysyn ózgertetin dúnıe dep aıtar edim.
Bir ǵana mysal, bir jarym jyldan keıin aýdan ákimderin saılaýǵa kirisemiz. Al aýdan ákimdigine kandıdattar aýyl ákimderiniń arasynan shyǵady. Bolashaqta aýdan ákimderin saılaý oblys halqynyń arasynda senim máselesin týdyrady. Ekinshiden, saıası partıalardyń tabıǵatyn ózgertedi.
Búginde partıalarymyz úlken qaladan aspaıdy, ári ketse, oblys ortalyǵyna ǵana jetken.
Saılaý jıi ótetin elge aınalyp kele jatyrmyz. Árbir saıası partıa saılaýǵa belsendi qatysýǵa, úmitker usynýǵa daıyn bolý kerek.