Aıda Satybaldınova kásibı karerasynda altynshy jeńisine qol jetkizdi.
Qazaqstandyq boksshy Aıda Satybaldınova (5-2-1, 2 KO) Komerste (AQSH, Kalıfornıa shtaty) tıtýldyq jekpe-jek ótkizdi, dep jazady Almaty-akshamy.kz Egemen.kz silteme jasap.
Ol Gaıtı arýy Djaıka Pavılýspen (3-5-1, 1 KO) qolǵap túıistirdi. Bul kezdesý tıtýldyq sıpatqa ıe boldy. Óıtkeni GBO nusqasy boıynsha jeńil salmaqtaǵy chempıonnyń belbeýi sarapqa salyndy ári oıyn alty raýndqa eseptelgen.
Onyń qorytyndysy boıynsha, tóreshilerdiń bir aýyzdan qabyldaǵan sheshimimen Satybaldınova jeńiske jetti.
Osylaısha, Aıda Satybaldınova kásibı karerasynda altynshy jeńisine qol jetkizip, GBO nusqasy boıynsha chempıondyq belbeýdi utyp aldy. Al Djaıka Pavılýs altynshy ret jeńilis tapty.
Aıta keteıik, Aıda Satybaldınova úshin bul úsh jyl úzilisten keıingi alǵashqy jekpe-jek boldy. Ol sońǵy ret 2019 jyldyń shildesinde sharshy alańda óner kórsetken.