Mınıstr jýrnalısiń týǵan-týystaryna qaıǵylaryna ortaqtasatynyn jetkizdi.
Qazaqstannyń Aqparat jáne qoǵamdyq damý mınıstri Aıda Balaeva marqum Danabek Bımenovtiń otbasyna, týǵan -týystaryna kóńil aıtty, dep habarlaıdy Almaty-akhamy.kz.
«Belgili qalamger, Qazaqstannyń qurmetti jýrnalısi Danabek Bımenovtiń ómirden ozýyna baılanysty marqumnyń otbasy men jaqyn-týǵandarynyń qaıǵylaryna ortaqtasyp kóńil aıtamyn.
Danabek Bımenov óziniń sanaly ǵumyrynda jýrnalısıka salasynda eleýli eńbek etip, qarymdy qabiletimen, zor shyǵarmashylyq áleýetimen otandyq medıany damytýǵa ólsheýsiz úles qosty. Onyń, ásirese, jahandyq klımat pen ekologıalyq qaýipsizdik máseleleri týraly paıymdy jazbalary mańyzdylyǵy men ómirsheńdigin joǵaltpaıtyn qundy dúnıeler bolyp qalatyny anyq.
Danabek Bımenovtiń jarqyn bolmysy men tulǵasy, atqarǵan eńbegi men jazǵandary jaqyndary men áriptesteriniń, qalyń oqyrman qaýymnyń esinde máńgi saqtalady dep senemin.
Marqumnyń jatqan jeri jaryq, topyraǵy torqa bolyp, nury peıishte shalqysyn», –dep jazǵan mınıstr óziniń Facebook paraqshasynda.