Mádenıet jáne aqparat mınıstri Aıda Balaeva Qazaqstannyń halyq ártisi Bıbigúl Tólegenovanyń áýe kompanıasynda keleńsiz jaıtqa tap bolýyna qatysty pikir bildirdi, dep habarlaıdy aqshamnews.kz.
Mınıstr Qazaqstannyń jáne KSRO-nyń halyq ártisi, aty ańyzǵa aınalǵan ánshi Bıbigúl Tólegenovany Air Astana áýe kompanıasynyń bortyna otyrǵyzý kezinde bolǵan óte yńǵaısyz jaǵdaı ózin alańdatyp otyrǵanyn alǵa tartty.
Áýe kompanıasy bul máselege qatysty túsinikteme berip, áýe qaýipsizdiginiń halyqaralyq erejelerdi eske saldy. Árıne, ushaqtyń jáne jolaýshylardyń qaýipsizdigin qamtamasyz etýge arnalǵan erejeler qatań saqtalýǵa tıis.Degenmen, áýe kompanıasymen pikir qaıshylyǵyna barmaı-aq, oryn alǵan jaǵdaıǵa baılanysty óz oıymdy bildirgim keledi.Naqtyraq aıtqanda, áýe kompanıasy men onyń qyzmetkerleri ishki nusqaýlyqtardan bólek, qarapaıym etıkany, adamı qarym-qatynasty saqtap, óz klıentterine qurmetpen qaraýy kerek dep esepteımin.Ásirese, jasy úlken jolaýshylarǵa, Otan aldynda aıryqsha eńbegi bar adamdarǵa erekshe qurmet kórsetilýge tıis. Óıtkeni aǵa býynǵa qurmet – tárbıe men ishki mádenıet máselesi.Al qazaq óneriniń bulbuly, óner maıtalmany Bıbigúl Ahmetqyzyna zor densaýlyq, uzaq ómir men sarqylmas kúsh-jiger tileımin! - dep jazdy áljelidegi paraqshasynda.