QR Mádenıet jáne sport mınıstrligi jarıalaǵan «Aıboz» ulttyq ádebı syılyǵyna búgingi kúnge deıin 39 ótinim kelip túsken.
Onyń ishinde «Úzdik proza» nomınasıasyna – 15 shyǵarma, «Úzdik drama» boıynsha – 1 ótinim, «Úzdik poezıa» - 14, «Úzdik ádebı syn» atalymy boıynsha – 1 ótinim, «Úzdik ádebı aýdarma» - 2, «Úzdik balalar ádebıeti» - 4, «Úzdik komıks» - 2 ótinim.
Eske sala ketsek, ádebı syılyqtyń jalpy júlde qory – 35 mln teńge. Ár nomınasıaǵa 5 mln teńgeden qarastyrylǵan.
Úmitkerler ótinimderin 2023 jylǵy 1 mamyr – 1 qyrkúıek aralyǵynda www.aiboz.kz saıty arqyly jiberý qajet. Ádebı syılyq jyl sońynda tabystalady. Baıqaýǵa otandyq qalamgerler qatysa alady jáne úmitkerlerdiń jas ereksheligine shekteý joq.
««Aıboz» – otandyq qalamgerlerge memleket tarapynan qoldaý kórsetý jáne yntalandyrý maqsatynda Mádenıet jáne sport mınıstrligi uıymdastyratyn ulttyq ádebı syılyq. Baıqaýǵa buryn-sońdy esh jerde jarıalanbaǵan shyǵarmalar ǵana qabyldanady. Bul qazaq ádebıetiniń qory 7 nomınasıa boıynsha júzdegen jańa týyndymen tolyǵady degen sóz. Sondaı-aq qalamgerler arasynda báseke paıda bolyp, sonyń nátıjesinde oqyrmanǵa ózekti, qyzyqty ári zamanaýı shyǵarmalar jol tartady»,- dedi QR MSM Arhıv, qujattama jáne kitap isi komıteti Kitap isi basqarmasynyń basshysy Almaz Myrzahmet.