QR Mádenıet jáne aqparat mınıstrligi «Aıboz» ulttyq ádebı syılyǵyna arnalǵan shyǵarmalar qabyldana bastaǵanyn málim etti, dep habarlaıdy almaty-akshamy.kz.
«Aıboz» - otandyq qalamgerlerdi memlekettik qoldaý jáne qazaq ádebıetiniń damýyna yqpal etý maqsatynda QR Mádenıet jáne aqparat mınıstrligi qurǵan ulttyq ádebı syılyq.
Ulttyq syılyqqa «Úzdik proza», «Úzdik poezıa», «Úzdik dramatýrgıa», «Úzdik ádebı aýdarma», «Úzdik balalar ádebıeti», «Úzdik ádebı syn», «Úzdik komıks» nomınasıalary boıynsha buryn jarıalanbaǵan týyndylar qabyldanady.
Baıqaýǵa otandyq jazýshylar qatysa alady jáne úmitkerlerdiń jas ereksheligine shekteý joq. Ádebı syılyqtyń jalpy júlde qory – 35 mln. teńge. Ár nomınasıaǵa 5 mln teńgeden beriledi.
«Ótinim 2024 jylǵy 1 mamyrdan 1 qyrkúıekke deıin www.aiboz.kz saıty arqyly joldanýy tıis. Ulttyq ádebı syılyq jyl sońynda tabystalady», dep jazylǵan QR Mádenıet jáne aqparat mınıstrliginiń baspasóz qyzmeti taratqan aqparatta.