Mindetti sıfrlyq tańbalaý ónimniń kóleńkeli saýdasyn azaıtý maqsatynda jasalady.
Bizdiń elimizde mindetti sıfrlyq tańbalaý alǵash ret aıaq kıim salasyna engizileıin dep otyr, dep habarlaıdy Almaty-akshamy.kz tilshisi.
QR IIDM-niń málimetinshe, Qazaqstanda aıaq kıimdi mindetti sıfrlyq tańbalaý bıyl 1 qarashadan bastap engiziletin bolady. Iaǵnı osy ýaqyttan bastap tańbalanbaǵan aıaq kıimniń óndirisine jáne onyń elimizdiń aýmaǵyna ákelinýine tyıym salynady. Al bólshek saýdadaǵy tańbalanbaǵan taýarlardyń qaldyqtaryn satyp bitirý úshin qosymsha taǵy bir jyl ýaqyt beriledi.
Elimizdiń aıaq kıim óndirýshileri men ımporttaýshylar tańbalaý júıesinde (markirovka.kz) tirkelý kerek. Tańbalaý kodtaryn shyǵarý úshin júıege óndiriletin jáne ımporttalatyn ónim týraly aqparatty engizý qajet. Bir tańbalaý kodynyń baǵasy 2,68 teńge turady.
Qazaqstanda qazirgi ýaqyttaǵy aıaq kıim taýarlary aınalymynyń 96% - ımportqa, 4% - ishki óndiriske tıesili. Aıaq kıim ishki naryǵynyń damýyn kóleńkeli aınalym aıtarlyqtaı shektep otyr.
Aıta ketetin bolsaq, taýarlardy sıfrlyq tańbalaý – bul EAEO deńgeıinde júzege asyrylatyn ultaralyq joba. Elimizdiń memlekettik kirister komıtetiniń derekteri boıynsha, aıaq kıimniń kóleńkeli naryǵy jalpy kólemniń shamamen 48,5%-in quraıdy. Mindetti tańbalaýdyń arqasynda bul kórsetkishti tómendetýge múmkindik bar. Al tutynýshylar Naqty Onim mobıldi qosymshasy arqyly tańbalanǵan taýardyń túpnusqalyǵyn ońaı teksere alady.