25 qazanda saǵat 10:49-da Tótenshe jaǵdaılar basqarmasynyń kúshteri men quraldaryn jedel basqarý ortalyǵynyń púltine Aıagóz qalasynda jeke úılerdiń birinde órt shyqqandyǵy týraly habar kelip tústi.
Oqıǵa ornyna 6 adamnan turatyn qutqarýshylar brıgadasy jedel jetti. Órt sóndirýshiler oqıǵa ornyna kelgennen keıin bólmelerdiń birinde 20 sharshy metr aýmaqta jıhazdar men jeke zattary janǵanyn anyqtady. Órt saǵat 11:10-da oqshaýlanyp, 11.24-ge tolyq sóndirildi. Órttiń sebebi anyqtalýda.
Oqıǵa ornynan tórt balanyń denesi tabyldy. Qazirgi ýaqytta otbasy múshelerine barlyq qajetti kómek kórsetilýde.