Adam aǵzasyndaǵy sý jetispýshilik birqatar organdar men júıelerdiń problemalaryna ákelýi múmkin.
Reseılik dıetolog Elena Solomatına sýdy az, ıaǵnı jetkiliksiz tutyný saldary qandaı ekenin jáne kúnine qandaı mólsherdi suıyqtyq ishý kerektigin aıtty, dep habarlaıdy Almaty-akshamy.kz.
Mamannyń aıtýynsha, suıyqtyqtyń jetispeýshiligi adamnyń mı belsendiligine, jalpy jaǵdaıyna jáne minez-qulqyna teris áser etedi. Sondaı-aq, búırekte tastar paıda bolýy múmkin, asqazan-ishek, ókpe, baýyr jáne basqa organdarmen problemalar týyndaýy múmkin, teriniń, shashtyń jáne tyrnaqtyń jaǵdaıy nasharlaıdy.
«Aǵzada sý jetkiliksiz bolǵan kezde, ol ony únemdeı bastaıdy. Munyń nátıjesi qan qysymynyń joǵarylaýyna, artyq salmaqtyń kóbeıýine jáne salmaqtastaýdyń qıyndaı túsýine ákeledi», – dep tolyqtyrdy Solomatına.
Sondaı-aq ol adamǵa kúnine keminde eki lıtr sý ishý kerek degen ańyzdy joqqa shyǵardy. Onyń aıtýynsha, suıyqtyqty tutyný normasy árkim úshin ár túrli. Onyń mólsherin qarapaıym formýla boıynsha esepteýge bolady – 1 kg salmaqqa shamamen 30 ml-den keledi.
Dáriger sýdy birtindep ishý mańyzdy ekenin atap ótti. Iaǵnı, adam ony kúni boıy sýdy ishpeı, esine túskende birden bir lıtrdi ishse, bul aǵzaǵa, sonyń ishinde zár shyǵarý júıesine qajetsiz júkteme týdyrady. Onyń ornyna ár 20 mınýt saıyn eki-úsh jutym ishken jón.
Sonymen qatar, Solomatına sýdan basqa aǵzadaǵy suıyqtyqtyń barlyǵy sýdyń ornyn toltyra bermeıtinin atap ótti. Mysaly, kofe, shaı jáne syra ishý aǵzanyń sýsyzdanýyna ákeledi.