TJD málimetinshe, 11 sáýirde Atbasar qalasynda saǵat 4.58-de Jabaı ózeniniń tógilýi oryn aldy.
"Barlyq eskertý júıeleri dereý iske qosyldy. Halyqty evakýasıalaý, sondaı-aq obektiler men turǵyn úılerdi qorǵaý boıynsha is-sharalar júrgizilýde. Qazirgi ýaqytta motopompalardyń kómegimen erigen sýdy sorý jumystary júrgizilýde."QR TJM baspasóz qyzmeti
Oqıǵa ornynda azamattyq qorǵaýdyń memlekettik júıesiniń 400-den astam adamy men 100 birlik tehnıkasy jumyldyryldy.
Óńirdegi tótenshe jaǵdaılar departamenti baspasóz qyzmeti qala kósheleriniń birinen beınejazba jarıalady.
Atbasar aýdanynyń ákimi Amanbek Qaljanov úndeý joldap turǵyndardan dúrbeleńge túspeýin ótindi.
"Sýdyń kúrt ósýine baılanysty Jabaı ózenine jaqyn alty ýchaskede sý tasqyny boldy. Sý tasqyny qaýpi bar aımaqtardyń turǵyndary turǵyn úılerden qaýipsiz aımaqqa ketýi kerek. Aýdanda tótenshe jaǵdaı rejımi jarıalandy. Barlyq turǵyndardan dúrbeleńge túspeýin suraımyn. Qalada evakýasıalaý pýnktteri uıymdastyrylǵan. Zardap shekkenderge zalal óteledi. Meniń basshylyǵymmen jedel shtab quryldy".Amanbek Qaljanov