Aǵashtarǵa qamqorlyq jasalýda.
Almaty qalasyndaǵy aǵashtarǵa qamqorlyq jasaý chellendji jalǵasýda. Ásirese, jaz mezgiliniń aptap ystyǵynda jasyl jelek ataýlynyń barlyǵyna derlik jaqsy kútim kerek. Bizder shóldegen aǵashtyń kúıin tereń túsinýge tyrysyp, pende retinde shóldiń qalaı bolatynyn sezinemiz. Sol sebepti kez kelgen tirshilik ıesiniń ómirinde sýdyń alatyn orny bir bólek.
Bıylǵy jaz burynǵydan ózgesheleý bolyp tur. Erekshe aptap ystyq kúnder ótýde. Qala aýmaǵyndaǵy jasyl jelek te qýańshylyqty sezingendeı. Dál burynǵydaı jap-jasyl kúıge ene almaı, qoldaýǵa zárý kúı keshýde. Adamzattan bir jylylyq pen ómir nárin kútip turǵandaı.
Osy rette «Alataý Aqparat» JSHS «Aǵashtardy aıalaıyq!» chellendjin qolǵa alyp, mekeme aınalasyndaǵy, sondaı-aq byltyr Abaı dańǵylynyń boıyna ózderi otyrǵyzǵan jasyl jelekke sý quıa bastady. Atalǵan chellendjdiń maqsaty men muraty – qaladaǵy barlyq mekemeni ózine qarasty, sondaı-aq jaqyn mańdaǵy aǵashtarǵa qamqorlyq jasaýǵa shaqyrý.
«Almaty aqshamy» men «Vechernıı Almaty» gazetteriniń qyzmetkerleri qoldaryna shelek alyp, jaqsy isti bastap ta ketti. Osy oraıda, ózge áriptesterimizdi de chellendjdi jalǵastyrýǵa shaqyramyz. Aıta keteıik, «Alataý Aqparat» izgi bastamany Qazaqstan Jýrnalıser odaǵyna, «Vechernıı Almaty» – «Novoe pokolenıe» gazetine, al «Almaty aqshamy» – «Qazaq úni» gazetine joldanǵan bolatyn.
Atalmysh joldaýdyń búgingi baǵyty óz ıesi tapty. Qazaqstan Jýrnalıser Odaǵynyń basshysy Seıitqazy Mataevtan Jazýshylar Odaǵyna ótti. Bul chellendjdi Odaq tóraǵasy Ulyqbek Esdáýlet qabyldap aldy. Osylaısha «Alataý Aqparat» JSHS «Aǵashtardy aıalaıyq!» chellendji óz jalǵasyn tabýda.