Senat depýtaty osyndaı usynys tastady.
Andreı Lýkın Úkimet basshysyna saýal joldap, atom elektr stansıasyn Abaı oblysynyń Kýrchatov qalasynda salýdy usyndy, dep habarlaıdy aqshamnews.kz
Semeı ıadrolyq polıgony kezinde atom energetıkasyna qatysty jumys istegen birshama ǵylymı ortalyqtar áli de bar. Tipti qala búdjetiniń teń jartysy osy ǵylymı nysandardyń salyqtyq túsimderimen tolyǵyp otyr. Depýtat osy múmkindikti paıdalaný qajet degen pikirde.
«Atomdyq energetıka salasyn damytýda Kýrchatov qalasynyń róli zor bolmaq. Ol úshin Kýrchatov mańynda damyǵan jelilik ınfraqurylym bar jáne energetıkalyq qýatty apattyq jaǵdaıda rezervke alý múmkindigi de joǵary. Sonymen birge atom elektr stansıalaryn salý men paıdalanýdy ǵylymı-tehnıkalyq qamtamasyz etýge barlyq jaǵdaı jasalǵan. Qala seısmıkalyq turaqty aımaqta ornalasqan. Radıoaktıvti qaldyqtardy saqtaýdyń áleýetti resýrstary bar jáne sý tapshylyǵy týyndamaıdy»,- dedi Lýkın.