«Atameken» UKP Basqarma tóraǵasy Raıymbek Batalovtyń Qazaqstanda atom elektr stansıasyn salý týraly málimdemesi
«Atameken» UKP Basqarma tóraǵasy Raıymbek Batalov Qazaqstanda atom elektr stansıasyn (AES) salý ıdeıasyna qatysty mańyzdy málimdeme jasady. Tómende «Atameken» UKP saıtynda jarıalanǵan málimdemeniń tolyq mátini berilgen.
Raıymbek Batalovtyń aıtýynsha, Qazaqstannyń odan ári ekonomıkalyq, saıası jáne áleýmettik damýynyń vektoryn aıqyndaıtyn mańyzdy sheshim aldynda turmyz. Referendým qarsańynda elimizdiń birneshe óńirlerinde qoǵamdyq tyńdaýlar ótkizildi, bul talqylaýlarda mamandar óz pikirlerin bildirip, atom energetıkasyna qatysty kózqarastaryn jetkizdi. Kóptegen pikirler Qazaqstannyń beıbit atom energıasynan qýat alatyn alpaýyt elge aınalýyn qoldaıdy.
Ulttyq palata da bul jaýapty sheshimnen tys qalmady. «Atameken» sarapshylary túrli alańdarda óz ustanymdaryn dáleldep, bul bastamany qoldady. Ulttyq palata Úkimettiń AES salý bastamasyn tolyǵymen qoldaıdy jáne bul qadam otandyq bıznestiń damýyna qýatty serpin beretinine senimdi.
Málimdemede birneshe mańyzdy aspektiler atap ótildi:
1. Turaqty energıamen qamtamasyz etý: AES turaqty energıamen qamtamasyz etetin negizgi kóz bolyp tabylady, bul bıznesti damytýǵa úlken múmkindik beredi. Ásirese, taý-ken jáne metalýrgıa, mashına jasaý, óńdeý ónerkásibi, qurylys jáne basqa da energıany qajet etetin salalar úshin mańyzdy.
2. Ozyq tehnologıalardy engizý: AES salý jáne paıdalaný ilespeli salalardyń damýyn yntalandyratyn ozyq tehnologıalardy, sonyń ishinde İT jáne ınovasıalyq sheshimderdi engizýdi talap etedi. Sońǵy eki jylda qazaqstandyq mamandar Túrkıa jáne basqa da óńirlerde jańa tehnologıalarmen jumys isteý tájirıbesin meńgergen.
3. Jumys oryndaryn qurý jáne adamı resýrstardy damytý: AES salý jańa jumys oryndaryn qurýmen qatar, adamı resýrstardy damytýdy da talap etedi. Bul bilim berý salasyn damytýǵa jáne shaǵyn, orta jáne iri bıznestiń ósýine septigin tıgizedi.
Qorytyndylaı kele, Raıymbek Batalov Ulttyq palatanyń AES salý bastamasyn tolyqtaı qoldaıtynyn jáne bul sheshimniń Qazaqstan ekonomıkasynyń damýyna eleýli mýltıplıkatıvtik áser beretinine senimdi ekenin atap ótti.