Atom elektr stansıalaryn (AES) tabıǵı sý qoımalarynyń jaǵasynda salý búkil álemde keńinen qoldanylatyn tájirıbe. Mundaı sheshim sý salqyndatý júıesin tıimdi paıdalanyp, ekologıalyq áserdi azaıtýǵa múmkindik beredi. Sonymen qatar, qorshaǵan ortany jáne tirshilik ıelerin qorǵaý úshin eń jańa tehnologıalyq ázirlemeler qoldanylady.
Qazaqstanda da jańa býyn AES salý josparlanyp jatyr. Bul stansıalar tek energıa óndirýmen shektelmeı, qorshaǵan ortaǵa oń áserin tıgize alady. Keıbir elderde AES aınalasyndaǵy flora men faýnanyń jaǵdaıyn jaqsartý baǵytynda arnaıy baǵdarlamalar júzege asyrylýda. Mysaly, stansıa mańyndaǵy aýmaqtardy demalys oryndaryna aınaldyryp, turǵyndardyń ıgiligine paıdalanýda. AES-tiń salqyndatqysh toǵandarynda balyqtyń ondaǵan túrin ósirýge jaǵdaı jasalyp, tipti balyq aýlaý boıynsha halyqaralyq chempıonattar da uıymdastyrylady. Bul tabıǵat pen adam arasyndaǵy úılesimdilikti arttyryp, stansıanyń ekologıalyq qaýipsizdigin dáleldeı túsedi.
Qazaqstanda salynyp jatqan jańa AES jobasy da osyndaı ınovasıalyq tásilderge súıenip, ekologıalyq áserdi azaıtýǵa baǵyttalǵan. Esepteýlerge sáıkes, AES-tiń jumys barysynda sý shyǵyny Balqash kóliniń tabıǵı býlanýynyń tek 0,32%-yn quraıdy. Bul kórsetkish AES-tiń sý resýrstaryna mınımaldy áser etetinin jáne qorshaǵan ortaǵa zıan keltirmeıtinin kórsetedi.
AES qurylysy men paıdalanýy kezinde sý resýrstarynyń tıimdi qoldanylýy mańyzdy oryn alady. AES tehnologıalary tek sýdy salqyndatý úshin ǵana emes, sonymen qatar sýdyń ekologıalyq tepe-teńdigin saqtap, tabıǵı ortany qorǵaýǵa yqpal etedi. Bul Qazaqstannyń energetıkalyq qaýipsizdigin nyǵaıtyp qana qoımaı, ekologıalyq turǵydan da oń nátıje beretini anyq.