Satbayev University-diń jalpy fızıka kafedrasynyń meńgerýshisi Aıdos Lesbaev Qazaqstanda atom elektr stansıasyn salý qajettigin qoldaıdy, dep habarlaıdy aqshamnews.kz
– Árıne, mundaı sheshimder halyqtyń kelisiminsiz qabyldanbaýy tıis. Qazaqstandyqtardy referendýmda óz pikirin bildirýge shaqyramyn. Meniń pikirim: atom elektr stansıasy elimizdiń energetıkalyq táýelsizdigin qamtamasyz etýge múmkindik beredi. Ýaqyttyń shynaıylyǵy men tehnologıalyq damýdyń qarqyny jańa damý baǵyttaryn talap etedi. Qazirgi tańda elektr qýatynsyz eshteńe jumys istemeıdi: ınternetten bastap eldegi iri prosesterdiń, sonyń ishinde áskerı, taý-ken ónerkásibi, medısına salalaryn basqarýǵa deıin – bári elektr energıasyna baılanysty. Men Qazaqstannyń energetıkalyq táýelsizdigine atom elektr stansıasyn salý arqyly qol jetkizýge bolady dep esepteımin, – dep atap ótti Aıdos Lesbaev.