Qazaqstanda AES salý boıynsha qoǵamdyq talqylaý barysynda ekologıa jáne tabıǵı resýrstar vıse-mınıstri Jomart Álıev atom elektr stansıalary ekologıa turǵysynan barynsha tıimdi ekenin atap ótti.
«Bul daýsyz derek. Elektr energıasyn óndiretin kez-kelgen basqa obekt qorshaǵan ortaǵa belgili bir dárejede zıan keltiredi. Kómir stansıalary atmosferaǵa lastaýshy zattardyń kóp mólsherin shyǵarady, gıdroelektrostansıalar úlken aýmaqta sý basýy múmkin, tipti jańartylatyn energıa kózderi shý áserin týdyrady jáne flora men faýnaǵa keri áserin tıgizedi. Elektr energıasyn alýdyń barlyq tásilderiniń ishinen ekologıalyq taza jáne qaýipsizin tańdaý qajet», - dedi spıker.
Sonymen qatar, vıse-mınıstr Qazaqstanda kez kelgen elektr stansıalaryn salýǵa qoıylatyn talaptar ekologıalyq zańnamaǵa sáıkes kúsheıtilgenin eske saldy.
«Eger referendýmda AES salý týraly sheshim qabyldansa, onda barlyq keıingi áreketter mindetti túrde jalpy halyqtyń qatysýymen ekologıalyq saraptama obektıvinen ótedi», - dep tolyqtyrdy Jomart Álıev.