QR Parlamenti Senatynyń depýtaty Álı Bektaev Túrkistan oblysynda bolyp, Báıdibek aýdanynyń aýyl sharýashylyǵy, bilim, medısına salalarynyń qyzmetkerlerimen jáne kásipkerlerimen kezdesti, dep habarlaıdy aqshamnews.kz
Kezdesý barysynda agrarlyq salanyń qazirgi jaǵdaıy, mamandar daıarlaý, medısınalyq qyzmetterdiń sapasyn arttyrý, sondaı-aq atom energetıkasyn damytý jaıy talqylandy.
Senator atom energıasyn elektr qýatyn óndirýdiń senimdi jáne únemdi kózi retinde atap ótti. Onyń aýyl sharýashylyǵy, sýarý júıeleri, jylyjaı óndirisi sekildi salalarda tıimdi jumys isteýge yqpal etetinin jáne aýyl sharýashylyǵy ónimderiniń halyqqa qoljetimdi bolýyna áser etetinin aıtty.
«AES qurylysy býlaný gazdarynyń shyǵaryndysyn azaıtyp, ekojúıeniń turaqtylyǵyn saqtaýǵa múmkindik beredi. Qazaqstan ýran óndirýde álemdik kóshbasshy bolǵandyqtan, atom energetıkasyn damytýǵa zor múmkindigi bar. Bul halyq pen bıznes úshin ekologıalyq jáne ekonomıkalyq paıda ákeledi», – dep atap ótti Álı Bektaev.