Ǵalymdarǵa jasandy topqa jatqyzylatyn qaýipti vırýstardyń túri belgisiz bolyp shyqty. Sebebi olardyń bar ekendigine birde-bir dáleldi jaıt joq dep jazady ITAR-TASS.
Sondyqtan adamzatqa olardan keler qaýip joq dep otyr mamandar. Jasandy vırýstardy bıologıalyq qarý retinde shyǵarý tıimsiz, sebebi olar suryptap jatpastan bárin birden zaqymdaıdy. Al adamdarǵa shyn máninde tabıǵatta paıda bolǵan vırýstar qaýipti.
Tabıǵatta qaýipti vırýstar bar ma? Bar, oǵan biz pandemıa kezinde kóz jetkizip otyrmyz. Bul jańa koronavırýs nemese ózge de vırýstar bolýy múmkin, - dep atap ótti vırýsologtar.
COVID-19-dan baıqaǵanymyzdaı, jańa vırýstardyń paıda bolýy kútpegen jerden oryn alady.
Alaıda onyń bastapqy belgileri boldy. Bul atıpti pnevmonıa men MERS vırýsy – bul Taıaý Shyǵysqa tán respıratorlyq sındrom vırýsy. Atalǵan vırýstarǵa tıisinshe mán bermegendikten, búginde indet ákelgen úlken shyǵyndarmen betpe-bet kelip otyrmyz, - deıdi mamandar.
Olardyń aıtýynsha, vırýstyń eki túri bar: joǵary yqtımaldylyqpen ólim-jitimge alyp keledi, biraq ońaılyqpen taralmaıdy. Al endi biri kerisinshe, qaıǵyly jaǵdaıǵa ushyratpaǵanymen, óte juqpaly. Osy oraıda juqpaly vırýstardan tónetin qater kóp.
Vırýstardyń mindeti sol – kóp óltirý emes, popýlásıada kóbirek qalyp, adamdarǵa barynsha juǵý, - dep túsindirdi ǵalymdar.