Amerıka ǵalymdary Parkınson aýrýyna meńzeıtin adam daýysyndaǵy úsh ózgeristi atady
Parkınson aýrýynyń bastapqy kezeńin adam daýysyndaǵy ózgeristerden baıqaýǵa bolady, dep habarlaıdy Almaty-akshamy.kz tilshisi RIA Novostıǵa silteme jasap.
Bul týraly derekterdi Parkınson aýrýy qaýymdastyǵy keltirgen.
Mamandardyń aıtýynsha, osyndaı keseli bar adamdardyń daýystary báseńdeıdi nemese bastapqyda daýys qattyraq shyǵyp, keıin aqyryndap qalady. Sonymen birge, adamnyń sózi bir saryndy (birqalypty) bolýy múmkin, sebebi mundaı naýqastar óziniń daýysynyń qattylyǵy men sezimdik deńgeıin baqylaýda ustaı almaıdy. Sonymen birge, osy aýrýdyń endi bastalyp jatqanyn bildiretin taǵy bir ózgeris - tutyǵyp sóıleý.
Parkınson aýrýy-baıaý damıtyn sozylmaly nevrologıalyq aýrý. Bul mı jasýshalarynyń dofamın hımıalyq zatyn óndirýiniń buzylýynan týyndaıdy, bul adamnyń qozǵalysyna jaýap beretin jasýsha fýnksıasynyń buzylýyna ákeledi.
Negizgi belgileri bulshyqet qattylyǵy, gıpokınezıa, tremor jáne postýraldy (postýralnyı neýstoıchıvost turaqsyzdyq bolyp tabylady.
Zamanaýı medısına ázirge bul aýrýdyń emin tappady, alaıda emdeýdiń konservatıvti jáne jedel ádisteri naýqastardyń ómir sapasyn aıtarlyqtaı jaqsartýǵa jáne derttiń damýyn tejeýge múmkindik beredi.
Búkil álemde Parkınson aýrýyna 10 mıllıonǵa jýyq adam shaldyqqan. Bul aýrýǵa shaldyǵý qaýpi adam jasy ulǵaıǵan saıyn arta túsedi, biraq keı jaǵdaıda 50 jasqa deıingi adamdardyń 4 %-ynda osy aýrý belgileri baıqalady. Áıelderge qaraǵanda er adamdar Parkınson aýrýyna 1,5 ese jıi ushyraıdy.