Alataý aýdany ákiminiń apparatynda sybaılas jemqorlyqqa qarsy is-qımyldyń aldyn alý boıynsha 2024 jylǵy atqarylǵan jumystar týraly
Sybaılas jemqorlyq – mol qarajat jáne qoǵamdyq básekelestik paıda bolǵan jerlerge tamyryn jaıyp, búginge deıin beleń alyp otyrǵan qoǵam dertiniń biri.
Sybaılas jemqorlyqpen kúresý - qoǵam aldyndaǵy basty mindetterdiń biri bolyp otyr. Sondyqtan da «Sybaılas jemqorlyqqa qarsy kúres týraly» Zań talabynyń aıasynda jemqorlyqqa qarsy is-áreketter ár salada júzege asyrylýda. Ásirese, halyq paraqorlyq dertimen jıi betpe-bet keledi. Sondyqtan kez kelgen ortada para berý men para alýdyń jolyn kesýde qoǵam bolyp belsendilik tanytý - azamattyq paryz.
Paraqorlyq memlekettik organdardyń tıisti qyzmet atqarýyna keri áserin tıgizip, bedeline nuqsan keltiredi, zańdy qaǵıdalardy teriske shyǵaryp, azamattardyń konstıtýsıalyq quqyqtary men zańdy múddeleriniń buzylýyna alyp keledi. «Sybaılas jemqorlyqqa qarsy kúres týraly» Zańyna sáıkes sybaılas jemqorlyqpen kúresti barlyq memlekettik organdar men onda qyzmet atqaratyn laýazymdy tulǵalar júrgizýi tıis.
Memlekettik organdardyń, jergilikti ózin-ózi basqarý organdarynyń ujymdarynyń basshylary óz ókilettigi sheginde kadr, baqylaý, zańgerlik jáne ózge de qyzmetterin tarta otyryp, zań talaptarynyń oryndalýyn qamtamasyz etýge mindetti.
Alataý aýdany ákiminiń apparatynda sybaılas jemqorlyqqa qarsy kúres salasynda júıeli túrde jumystar atqarylýda.
Jyl basynan beri aýdan apparatynda 5 (bes) semınar ótkizildi. Semınar barysynda árbir qyzmetkerdiń nazaryna qoldanystaǵy zańnama normalarynyń (atap aıtqanda «Ákimshilik rásimdik-prosestik kodeksi», «Sybaılas jemqorlyqqa qarsy is-qımyl týraly» Zańynyń, «Memlekettik qyzmet týraly» jáne «Memlekettik qyzmetshilerdiń Ádep kodeksi» normalarynyń) qatań saqtalýy túsindirildi.
2024 jylǵy 14 aqpanynda aýdan ákiminiń tóraǵalyǵymen jáne Almaty qalasy Sybaılas jemqorlyqqa qarsy is-qımyl departamentiniń prevensıa basqarmasynyń basshysy Q.A. Sálimbaevtyń qatysýymen, aýdan apparatynyń qyzmetkerleri úshin semınar ótkizildi. Atalǵan is-sharanyń negizgi maqsaty - memlekettik qyzmetshiler arasynda sybaılas jemqorlyqqa qarsy turaqty minez-qulyqty qalyptastyrý.
Sondaı-aq, aǵymdaǵy jyldyń qańtar, sáýir aılarynda aýdan apparatynyń Ádep jónindegi ýákiliniń tóraǵalyǵymen apparat qyzmetkerleriniń qatysýymen dóńgelek ústel ótkizilip, onda memlekettik qyzmetshilerdiń qyzmettik ádep standarttarynyń qatań saqtalýy túsindirildi.
2024 jyldyń 30 mamyrynda Almatyda jáne barlyq iri qalalar men óńirlerde jyl saıynǵy «Halyq zańgeri» respýblıkalyq aksıasy ótkizildi. Aksıa aıasynda memlekettik organdardyń 40-qa jýyq ókili (onyń ishinde aýdan apparatynan), sondaı-aq qalanyń 100-den astam bilikti zańgerleri men advokattary qala turǵyndaryn qabyldap, tegin zańgerlik keńes berip, kómegin kórsetti.
2024 jylǵy 17 mamyrynda Almaty qalasy ákimi apparatynyń Ádep jónindegi ýákili M.K. Ahetov jáne QR Memlekettik qyzmet isteri agenttiginiń Almaty qalasy boıynsha departamentiniń memlekettik qyzmet salasyndaǵy baqylaý basqarmasynyń bas mamany S.R. Qoshataevtyń tóraǵalyǵymen «Alataý aýdany ákimi apparatynyń memlekettik qyzmetshilerine ádep normalarynyń talaptarynyń qatań saqtalýy» taqyrybynda semınar-keńes ótkizildi.
2024 jylǵy 24 shildede Alataý aýdanyndaǵy Oqýshylardyń ınovasıalyq shyǵarmashylyq ortalyǵynda Alataý aýdanynyń ákimdigi men Qazaqstan Respýblıkasy Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń uıymdastyrýymen jáne aýdandaǵy bilim berý uıymdarynyń, densaýlyq saqtaý mekemeleriniń, memlekettik mekemeleriniń qatysýymen «Sybaılas jemqorlyqtyń aldyn alý» taqyrybynda semınar ótkizildi.
- Aýdan apparatynyń qyzmetkerleri arasynda quqyqtyq mádenıetti, olardyń qoldanystaǵy zańnamalyq aktiler boıynsha quqyqtyq bilimderin arttyrý maqsatynda «Quqyqtyq jalpyǵa birdeı oqytý» boıynsha semınarlar kezeń-kezeńimen ótkizilip turady.
- Aýdan apparatynyń resmı saıtynda «Sybaılas jemqorlyqqa qarsy saıasat» týraly arnaıy bólim bar, onda «Sybaılas jemqorlyqqa qarsy is-qımyl týraly» Zańy, «Memlekettik qyzmetshilerdiń Ádep kodeksi», sybaılas jemqorlyqqa qarsy standarttar jáne sybaılas jemqorlyqqa qarsy saıasatty júzege asyrý jónindegi basqa da aqparattar jarıalanǵan.
Budan basqa, aýdan apparatynda «Adaldyq alańy» front-ofısi turaqty negizde jumys isteıdi. Jyl basynan beri aýdannyń 400-den astam turǵynyna quqyqtyq máseleler boıynsha keńester berildi.
Alataý aýdany ákiminiń apparatynda sybaılas jemqorlyqqa qarsy is-qımyl jónindegi jumys turaqty baqylaýda.