ADAL men AMANAT saıası partıalary qosyldy
ADAL partıasynyń bastamasyn qoldap, AMANAT-pen birikken jón dep sanaımyn. Bul týraly AMANAT partıasynyń sezinde Prezıdent Qasym-Jomart Toqaev málim etti, dep habarlaıdy Almaty-akshamy.kz QazAqparatqa silteme jasap
«Jańa Qazaqstandy quramyz desek, elge janashyr, qoǵamdyq saıası kúshterdiń bári jumylýy kerek. Bul rette partıalardyń ózara til tabysyp, saıası júıeni damytýy asa mańyzdy. Sondyqtan ADAL partıasynyń bastamasyn qoldap, onymen birikken jón dep sanaımyn. ADAL - óz jaqtastary bar, qalyptasqan partıa. Saıası báseke artyp kele jatqan qazirgi kezeńde munyń aıryqsha máni zor. Osy mańyzdy qadam AMANAT partıasyn jańǵyrtyp, kúsheıte túsýge septigin tıgizedi dep oılaımyn», - dedi Memleket basshysy.
Sıez barysynda delegattar ADAL partıasynyń AMANAT-qa qosylýyn daýysqa qoıyp, qoldady. Budan buryn habarlanǵandaı, búginnen bastap AMANAT partıasynyń tóraǵasy retinde Prezıdenttiń ókilettigi toqtady. Prezıdent AMANAT partıasynyń tóraǵalyǵyna Erlan Qoshanovty usyndy. Bıyl naýryz aıynda ADAL partıasynyń tóraǵasy Serik Sultanǵalı partıanyń AMANAT-qa qosylý sheshimin túsindirdi.