Marqum bolǵandardyń tórteýi - Qazaqstan azamattary
Qyrǵyzstannyń Osh oblysy Nookat aýdanynda seldiń túsýi saldarynan qaza tapqan toǵyzynshy adamnyń denesi tabyldy, dep habarlaıdy almaty-akshamy.kz.
Eldiń Tótenshe jaǵdaılar mınıstrligi baspasóz qyzmetiniń habarlaýynsha, 30 maýsymda Abshyr-Ata aýylynda selden opat bolǵan toǵyzynshy balanyń denesi tabyldy. Qazirgi ýaqytta onyń aty, tegi jáne týǵan jyly anyqtalyp jatyr.
Cactus.Media málimetteri boıynsha, 9 adamnyń ekeýi eresek, qalǵany - 2016, 2013, 2012, 2008, 2005 jyly týǵan balalar men jasóspirimder. Onyń ishinde tórt qazaqstandyq bala bar.
Esterińizge sala keteıik, juma, 28 maýsym kúni, Qyrǵyzstannyń Osh oblysy Nookat aýdanynda sel júrip ótti. Saldarynan joldar, kópirler qırap, turǵyn úıler sý astynda qaldy. Qaza tapqandardyń arasynda Qazaqstannan tórt bala bar. «Abshyr-Ata» demalys aımaǵynan 1400 demalýshy evakýasıalandy. TJ rejımi jarıalandy.