Mádenı sharany uıymdastyrýǵa Reseıdiń Bas konsýldyǵy muryndyq bolǵan
Kórme adamzattyń ǵaryshqa ushqanyna 60 jyl tolýyna jáne Mıhaıl Býlgakovtyń 130 jyldyǵyna arnalǵan. «Máńgilik birgemiz» atty qýyrshaqtar kórmesi bıyl besinshi ret ótip otyr, dep habarlaıdy Almaty-akshamy.kz 24.kz-ke silteme jasap.
Kórmeniń bıylǵy taqyryby – «Alys jáne jaqyn juldyzdar» dep atalady.
«Kórmege qýyrshaq óneriniń túrli baǵytyn kórsetetin júzden astam sheberlerdiń jáne shyǵarmashylyq birlestikterdiń jumystary qoıylǵan. Jáne de osy kezge deıin ótken 4 jyldyq kórmede Qazaqstan, Reseı, Belgıa, Belorýssıa, Túrkıa, Fransıa sıaqty elderdiń 120 jýyq qýyrshaq sheberleriniń jumystary qoıylǵan bolatyn. Jáne 30 000-nan astam kórermender tamashalaǵan edi», - deıdi Á.Qasteev atyndaǵy óner murajaıynyń qyzmetkeri Gúldenaı Bekbaýlıeva.
«Men basqa salanyń adamymyn. Biraq maǵan adamdardyń osyndaı óner týyndylaryn jasaı alatyny qyzyq bop tur! Qalaı qoldarynan keledi eken? Qýyrshaq arqyly ómirge kózqarastaryn, emosıalaryn da jetkizip tur ǵoı olar», - deıdi kórmege kelýshi Elaman Tileýbaev.
Munda ár zamannyń keıipkerleri jınalǵan. Bir qýyrshaq ádemi bolsa, biri qorqynyshty. Biraq bári tartymdy.