Sanaýly sátter buryn dzúdoshy Abıba Ábýjaqynova (48 kg) Qytaıdyń Hanchjoý qalasynda ótip jatqan HİH jazǵy Azıa oıyndarynda kúmis júldeger atandy, dep habarlaıdy QR Týrızm jáne sport mınıstrligi Sportty damytý dıreksıasynyń baspasóz qyzmeti.
Ol fınalda 3 dúrkin álem chempony, 2018 jylǵy Djakatadaǵy Azıa oıyndarynyń jeńimpazy japonıalyq Nasýmo Sýnodaǵa ese jiberdi. Ábıba – áıelder arasynda dzúdodan sary qurlyq oıyndarynyń fınalyna shyqqan tuńǵysh sportshy.
Ulttyq qurama sportshysy Hanchjoýdaǵy alǵashqy beldesýinde Fılıppın sportshysyn vazarı ádisimen, sosyn, Soltústik Koreıa palýanyn utty. Al jartylaı fınalda Ońtústik koreıalyq Lı Hek Eng eskertý alyp, Ábýjaqynovaǵa jol berdi.
Aıta keteıik, Abıba Ábýjaqynova bıyl aqpanda Portýgalıada Gran-Prı básekesinde top jarǵan (áıelder arasynda) tuńǵysh qazaq dzúdoshyna aınalǵan. Sondaı-aq ol – Otgonseseg Galbadrahtan keıin qazaqstandyq arýlar arasynan álem chempıonatynda medal alǵan sportshy.