«Abaıdyń qara sózderi» kınojobasynyń túsirilimi bastaldy
Prezıdent teleradıokesheni «Abaıdyń qara sózderi» kórkem kınojobasyn túsirýge kiristi, dep habarlaıdy Almaty-akshamy.kz QazAqparat saıtyna silteme jasap.
Bul týraly Prezıdent teleradıokesheniniń baspasóz qyzmeti habarlady. 15 bólimnen turatyn joba «Ulttyq kınony qoldaý memlekettik ortalyǵynyń» qoldaýymen júzege asady. Túsirilim jumystary Almaty qalasy men Almaty oblysynyń aýmaǵynda 25 qazanǵa deıin júredi. «Televızıa jobasynyń ár serıasy tolyqqandy sújetke qurylady.
Sújetterde bas keıipkerdiń rólin Nurlan Álimjanov, Jan Baıjanbaev, Erik Joljaqsynov, Tuńǵyshbaı Jamanqulov, Arýjan Jazylbekova, Berik Aıtjanov, Aıan Ótepbergen sıaqty tanymal qazaqstandyq akterler somdaıdy.
Teleradıokeshenniń bas dırektory Raýshan Qajybaevanyń aıtýyna qaraǵanda, teleradıokeshen ujymy bul jobaǵa úlken jaýapkershilikpen kirisip otyr.
«Onyń fılosofıa paıymdary men danalyǵy ýaqyt ótken saıyn ózekti bola túsken. Oıshyldyń «Qara sózderi» qoǵamnyń rýhanı-mádenı ómirine baǵdar berip tur», - deıdi Raýshan Qajybaeva.
«Teleradıokeshenniń jańa jobasy Abaı álemin túsinýge, qazaq halqynyń uly ulynyń búkil adamzatpen rýhanı-fılosofıalyq baılanysyn nyǵaıtýǵa óz úlesin qosady», - dep jazady keshenniń baspasóz qyzmeti.