Abaı kúnine oraı Qazaqstannyń Belgıadaǵy Elshiligi Belgıadaǵy eń iri Koróldik kitaphananyń qoryna qazaqtyń uly aqyny, kompozıtory, aǵartýshysy, oıshyly Abaı Qunanbaıulynyń fransýz tilindegi «Qara sózder» jınaǵyn tapsyrdy dep habarlaıdy almaty-akshamy.kz QR Syrtqy ister mınıstrliginiń baspasóz qyzmetine silteme jasap.
Belgıa tarapyna qazaq jazba ádebıetiniń negizin qalaýshy Abaıdyń ómiri men onyń qundylyqtary týraly aqparat berildi. Abaıdyń qundylyqtary belgıalyq áıgili aqyn Gıdo Gezelldiń qundylyqtaryna uqsas. Sonymen qatar, fransýz tilindegi «Qara sózder» jınaǵy Brússeldegi mýnısıpaldyq kitaphanalar men mektepterge syıǵa berildi.
Belgıa Koróldik kitaphanasy 1837 jyly qurylǵan jáne eldegi eń úlken kitaphana. Kitaphananyń 17-qabattyq qorynda 6 mln. astam kitap bar.
