Almaty qalasy boıynsha QAJ departamentine qarasty №13 mekemesinde jazasyn ótep jatqan sottalǵandar 10 tamyz – Abaı kúnin atap ótti.
Uly aqyn kúnine arnalǵan “Abaıdy súı, adam bol” atty is-sharada sottalǵandar Abaı óleńderine erekshe nazar aýdaryp, Abaı oqyǵan kitaptarmen, aqynnyń qoǵamdyq qyzmetimen jáne Abaı dáýirin sýretteıtin sırek kezdesetin ólketaný basylymdarymen tanysty, dep habarlaıdy Almaty-akshamy.kz Polisia.kz-ke silteme jasap.
Sonymen qatar atalǵan merekeni uıymdastyrýshy sottalǵandar arasyndaǵy tárbıe jáne áleýmettik-psıhologıalyq jumys bóliminiń jasaq bastyqtary sottalǵandar arasynda Abaı óleńderin oqýdan saıys ótkizdi.
«Qylmys jasap jazaǵa tartylǵandarǵa Abaı atamyzdyń óleńderindegi ósıet úlken oı saldy. Saıys barysynda olar ásirese Abaıdyń “Ǵylym tappaı maqtanba” degen óleńin naqyshyna keltirip oqyp qana qoımaı, aqynnyń “Ósek, ótirik, maqtanshaq. Erinshek, beker mal shashpaq. Bes dushpanyń bilseńiz” degen ósıetin ózara talqylap, pikir almasty. Ǵulama aqynnyń adamǵa oı salar óleńderi sottalǵandardyń bolashaqta adal eńbekpen ómir súrýge degen qushtarlyǵyn arttyra túsetini anyq», – deıdi jasaq bastyǵy A. Shakırbaev.