Baıqaý Abaı kúnine oraılastyrylǵan.
Abaıdyń shyǵarmalaryn mánerlep oqyǵandar IPhone-15 utyp ala alady, dep habarlaıdy aqshamnews.kz
«10 tamyzda elimizde dástúrli túrde aqyn ári aǵartýshy Abaı Qunanbaıulynyń qurmetine Abaı kúni atalyp ótedi. Mereke aıasynda elordada «Abaı jolymen» baıqaýy bastaldy. Bas júlde – IPhone 15», dep málimdedi jergilikti ákimdik.
Konkýrs sharttary:
Astana turǵyny bolý kerek;
Qatysýshylardyń jasy 14-ten 34 jasqa deıin (qosa alǵanda);
@elorda_jastary paraqshasyna jazylyp, belgileý qajet;
#AbaıJolymen2024 jáne #PoPýtıAbaıa2024 heshtegterin belgileý kerek;
Abaı Qunanbaıulynyń shyǵarmasyn mánerlep oqyp, beınetaspaǵa túsirý qajet.
Vıdeojazbalar 2024 jyldyń 7 tamyzyna deıin qabyldanady. Qosymsha aqparatty @elorda_jastary Instagram paraqshasynan alýǵa bolady.