2023 jyldyń jeltoqsanynda QR Ǵylym jáne joǵary bilim mınıstrligi «Otbasy Bank» AQ-men birlesip jas ǵalymdardy turǵyn úımen qamtamasyz etý baǵdarlamasyn iske qosty.
Baǵdarlama jas ǵalymdarǵa búgingi kúnniń qajettiligi bolyp tabylatyn alǵashqy baspanaǵa qol jetkizýge múmkindik beredi, dep habarlaıdy Almaty-akshamy.kz.
Bul kelisim Prezıdent janyndaǵy Ǵylym jáne tehnologıalar jónindegi ulttyq keńestiń 2023 jylǵy 12 sáýirdegi otyrysynda berilgen Memleket basshysynyń tapsyrmalaryn oryndaý maqsatynda júzege asyrylýda.
Abaı ýnıversıtetinde osy baǵdarlama aıasynda Óner, mádenıet jáne sport ınstıtýty dırektorynyń oqý isi jónindegi orynbasary, PhD Karıma Seıtbekova, Matematıka, fızıka jáne ınformatıka ınstıtýtynyń oqytýshylary Saltanat Meımankýlova jáne Aıkenje Jamkeeva, Tarıh jáne quqyq ınstıtýtynyń oqytýshylary Aızada Berikbolova men Madına Amandosova baspanaly boldy.
«Otbasy bank» AQ ýnıversıtettiń taǵy 7 jas ǵalymynyń qujattaryn maquldady, bul bastamanyń tıimdiligi men qajettiligin rastaıdy. Abaı ýnıversıtetiniń jas ǵalymdary QR Ǵylym jáne joǵary bilim mınıstrligine, ýnıversıtet basshylyǵyna qoldaý kórsetkeni úshin shyn júrekten alǵys bildiredi. Bul baǵdarlama daryndy ǵalymdar úshin jaıly baspanamen qamtamasyz etip qana qoımaı, olardyń Qazaqstandaǵy ǵylymnyń damýyna qosqan úlesin yntalandyrady.
Eske sala ketsek, turǵyn úı baǵdarlamasyna granttyq nemese baǵdarlamalyq-nysanaly qarjylandyrý sheńberinde ǵylymı jobalar men baǵdarlamalarǵa, ǵylymı - tehnıkalyq qyzmet nátıjelerin komersıalandyrý jobalaryna qatysýdy qosa alǵanda, keminde úsh jyl ǵylymı-zertteý jumys ótilimen, magıstr deńgeıinen tómen emes, turǵyn úıge muqtaj jas ǵalymdar qatysa alady.