«Bıologıa» bilim berý baǵdarlamalary boıynsha oqý-ádistemelik jabdyqtarmen qamtamasyz etýdi jetildirý jáne sıfrlyq ortada stýdentterdiń bilimin arttyrý maqsatynda Jaratylystaný jáne geografıa ınstıtýtynyń jas ǵalymdary men profesor-oqytýshylar quramy bıologıa ǵylymdarynyń doktory Doktorhan Aıdarbaevanyń jetekshiligimen «Genetıka» elektrondy oqý quralyn ázirledi, dep habarlaıdy Almaty-akshamy.kz.
Genetıka – bıologıa ǵylymdarynyń jyldam damyp jatqan salalarynyń biri, sondyqtan aqparat ta udaıy ózgeriske túsip, jańarýda. Elektrondyq oqý quralynyń maqsaty – bıolog stýdentterge organızmderdiń tuqym qýalaýshylyq pen ózgergishtik zańdylyqtaryn, tuqym qýalaýshylyqtyń sıtologıalyq negizderi týraly tereń bilim berý.
Elektrondyq oqý quraly mazmunyna kirispe, dáris tezısteri, zerthanalyq jattyǵýlar, stýdentterdiń óz betimen oryndaıtyn tapsyrmalary, test tapsyrmalary, genetıkadan ártúrli taqyryptaǵy oqý fılmderi engizilgen.
Oqý quralynyń kómegimen stýdentter qazirgi genetıkanyń ártúrli taqyryptary boıynsha bilim alady.