Qazirgi ýaqytta Abai Uii 5 memlekette resmı túrde ashylyp, jumys istep jatyr.
Endi 2021 jyldyń ekinshi jartyjyldyǵynda Abai Uii álemniń taǵy úsh elinde, atap aıtqanda, Mońǵolıa, Reseı jáne Qyrǵyzstanda ashý josparlanǵan. Bul týraly 2021 jylǵy 12 shildede Nur-Sultanda ótken «Shetelde turatyn qandastarmen mádenı-gýmanıtarlyq baılanystardy nyǵaıtý týraly» taqyrybyndaǵy brıfıńke qatysqan «Otandastar qory» KEAQ vıse-prezıdenti Maǵaýıa Sarbasov aıtty, dep habarlaıdy Almaty-akshamy.kz.
Brıfıń barysynda M.Sarbasov shetelde turatyn otandastarmen mádenı-gýmanıtarlyq baılanystardy nyǵaıtýǵa baǵyttalǵan jobalar týraly jáne QR AQDM men QR SİM qoldaýymen iske qosylǵan Abai Uii mádenı-iskerlik úılerin damytý jobasy sátti júzege asyrylyp jatqandyǵy jóninde aıtyp berdi.
«Qazirgi tańda Abai Uii 5 memlekette resmı túrde ashylyp, jumys istep jatyr. Endi 2021 jyldyń ekinshi jartyjyldyǵynda Abai Uii álemniń taǵy úsh elinde, atap aıtqanda, Mońǵolıa, Reseı jáne Qyrǵyzstanda ashý josparlanǵan. Osy oraıda qoǵam sheteldegi qandastardy qoldaý sharalaryn barlyq etnıkalyq qazaqtarǵa qatysty júzege asyryp keledi. Qazir álemde 250-ge jýyq qazaq mádenı ortalyqtary bar. Búginde «Otandastar qory» KEAQ mádenı-gýmanıtarlyq sharalar uıymdastyrý maqsatynda 71 qazaq mádenı ortalyǵymen ózara yntymaqtastyq týraly memorandýmǵa qol qoıdy», - dedi Maǵaýıa Sarbasov.
Sonymen qatar, «Otandastar qory» KEAQ vıse-prezıdentiniń aıtýynsha, shetelde turatyn qazaqtar úshin qazaq tilin úıretý boıynsha 31 onlaın-synyp ashylyp, onyń aıasynda 1163 adam oqytylǵan. Atalmysh kýrs sheńberinde 333 tegin onlaın-sabaq ótkizilip, 400-ge jýyq qandas sertıfıkattarǵa ıe boldy. Al, 2021 jyly 440 onlaın sabaq ótkizilip, 900 adam óz bilimderin arttyrdy.
Sondaı-aq qandastardyń elimizdegi joǵary oqý oryndarǵa jáne kolejderge túsýine múmkindikter jasalǵanyn atap ótken jón. Ol týraly sheteldegi otandastarymyz keńinen habardar.