Abaı, Seıfýllın jáne Ál-Farabı dańǵyldaryndaǵy ortasha jóndeý jumystary aıaqtalýǵa jaqyn, dep habarlaıdy almaty-akshamy.kz
Qaladaǵy negizgi dańǵyldarda kólik qozǵalysy bekitilgen kestege sáıkes 31 tamyzǵa qaraı aıaqtalýy kerek bolǵan. Alaıda jóndeý jumystary merziminen buryn ıaqtalady dep josparlanyp otyr.
Abaı dańǵylynda eki merdiger uıym qatar jumys jasap jatyr. Batys baǵytta Dostyq dańǵylynan Rozybakıev kóshesine deıin jóndeý jumystary aıaqtalyp, kólik qozǵalysy ashylǵan.
Abaı dańǵylynyń Rozybakıev kóshesinen Tilendıev kóshesine deıingi bóliginde polımerli asfáltbeton jabynyn tóseý jumystary júrgizilýine baılanysty 10 tamyz saǵat 23-00-den 12 tamyz saǵat 06-00-ge deıin dańǵyldyń soltústik jaǵy tolyq jabylatyn bolady. Sonymen dańǵyldyń kólik júretin bóliginde ortasha jóndeý jumysary aıaqtalady.
Jabyq ýchaskeni aınalyp ótý Sátbaev, Kishi Abaı, Tilendıev, Rozybakıev kósheleri men irgeles kósheler arqyly júzege asyrylady. Rozybakıev, Turǵut Ozal, Brýsılovskıı jáne Tilendıev kósheleriniń qıylystary ashyq bolady.
Qarasý, Kárimov jáne Túrkebaev kósheleriniń qıylysyndaǵy sıezer boıynsha jol júrý shekteledi, aınalma jol Esenjanov kóshesi boıynsha uıymdastyrylady.
Seıfýllın dańǵylynda ortasha jóndeý jumystary Almaty-1 temirjol vokzalynan Aqan seri kóshesine deıin aıaqtalǵan bolatyn. Endigi sońǵy bólik Aqan seri kóshesinen Rysqulov dańǵylyna deıingi ýchaskede polımerli asfáltbeton tóseý jumystarynyń júrgizilýine baılanysty 11 tamyz saǵat 23-00-den 13 tamyz saǵat 07-00-ge deıin dańǵyldyń boıy tolyq jabylatyn bolady.
Jabyq ýchaskeni Kassın, Rýdakı, Artıllerııskaıa, Jansúgirov jáne irgeles kósheler arqyly aınalyp ótýge bolady.
Ýspenskıı, Aqan Seri kósheleriniń qıylysynda kólik qozǵalysy ashyq bolady.
Ál-Farabı dańǵylyndaǵy joldyń ońtústik jaǵyndaǵy jol jóndeý jumystary tolyq aıaqtaldy, al soltústik jaǵymen Dostyq dańǵylynan Gagarın dańǵylyna deıin asfáltbeton jabyny tóseldi.
Aýa-raıy qolaıly bolǵan jaǵdaıda 12 tamyz saǵ.23:00-den 14 tamyz 07:00-ge deıin Ál-Farabı dańǵylynyń sońǵy Dýlatı dańǵylynan Asqarov kóshesine deıingi bóliginde jóndeý jumystary júrgizilip, ýaqytsha kólik qozǵalysy shekteledi.
Jóndeý aýmaǵyn Toraıǵyrov jáne Mustafın kósheleriniń burylystary men aınalma joldary arqyly aınalyp ótýge bolady.
Jol tańbalaryn salý jumystary Abaı jáne Ál-Farabı dańǵyldarynda bastaldy. Seıfýllın dańǵylynda jol tańbalary jóndeý jumystary aıaqtalǵannan keıin salynady.
Jol qozǵalysyna qatysýshylardyń qaýipsizdigin patrúldik polısıa qyzmetkerleri qamtamasyz etedi. Jol jóndeý jumystary jaıly sońǵy jańalyqtar qala ákimdigi men qalalyq mobıldilik basqarmasynyń resmı paraqshalarynda, Almaty jol telegram arnasynda, sonymen qatar, 2GIS jáne Iandeks karta qosymshalarynda qoljetimdi.
Esterińizge sala keteıik, Almatydaǵy magıstraldyq kóshelerge jol tósemin tóseýde alǵash ret jańa tehnologıalardy qoldanyldy. Asfáltbetondardyń quramynda polımerler qoldanylady. Mundaı qospalar tozýǵa tózimdi, jumsarý temperatýrasy joǵary (65-70°C), ystyqqa tótep berip, áldeqaıda uzaǵyraq qyzmet etedi. 8-10 jyl paıdalanýǵa bolady.
Jol jóndeý jumystary 2023 jylǵa josparlanǵan jumystar aıasynda júrgizilip otyr. Ýaqytsha qolaısyzdyqtar úshin keshirim ótinemiz. Bul qala joldary uzaǵyraq paıdalanýǵa qajetti shara. Marshrýtty aldyn ala josparlap alyńyzdar.
Almaty q. Qalalyq mobıldilik basqarmasy