Eń alǵashqy jınaǵynyń bir danasy.
Pavlodar oblysynda Abaı Qunanbaıulynyń alǵash jaryq kórgen kitaby tabyldy. Buqar jyraý atyndaǵy oblystyq ádebıet jáne óner mýzeıinde kitaptyń tanystyrylymy ótti, dep habarlaıdy Almaty-akshamy.kz Almaty.tv silteme jasap.
Sırek kezdesetin basylymdy Ertis aýdanyndaǵy ardager ustaz Nurbolat Ábýtálipov mýzeıge syıǵa tartty. Ol bul kitapty atasynan alyp, osy kúnge deıin saqtap kelgen.
«Bul kitap — Abaı Qunanbaıulynyń 1909 jyly Sankt-Peterbýrg qalasynda basylyp shyqqan eń alǵashqy jınaǵynyń bir danasy. Kitap hákim ózi dúnıeden ótkennen soń 5 jyldan keıin jaryq kórgen», — dedi mýzeı dırektory Erbol Qaıyrov.
Shara barysynda abaıtanýshy Danıal Ásenov aqynnyń óleńderin oqydy jáne Abaı ánderi shyrqaldy.
Atalǵan kitap endi mýzeı qorynda saqtalady.