Bıyl ūly aqyn, kemeńger oıshyl Abaı Qūnanbaıūlynyń tuǵanyna 180 jyl tolyp otyr. Osy aıtuly mereıtoı ayasynda QR Ūlttyq akademıyalyq kítaphanasynyń bastamasymen «Abaı óleńderí álem tílderínde» atty halyqaralyq chellendj ótíp jatyr.
Abaıdyń mūrasy – tek qazaq elí úshín ǵana emes, búkíl adamzat úshín baǵa jetpes qazyna. Onyń shyǵarmalaryndaǵy ádíldík, bílím, bírlík, adamgershílík turaly oılary – ǵasyrlar ótse de óz qūndylyǵyn joǵaltpaıtyn, halyqtardy tatulyqqa shaqyratyn máńgílík ún.
Qazaqstandaǵy kúrd qauymdastyǵy da Abaıdyń danalyǵyn, ruhanı mūrasyn erekshe qūrmetteıdí. Kúrd halqy da aqyn jyrlarynan adamdyqtyń, dostyqtyń, ózara syılastyqtyń tereń maǵynasyn tabady. Abaıdyń sózí – bízdíń de júregímízge jaqyn, ortaq qūndylyqtarymyzdyń aınasy.
Abaıdyń ūlaǵatty sózderí:
· «Adam bolam deseńíz – bes nárseden qashyq bol, bes nársege asyq bol.»
· «Paıda oılama, ar oıla.»
· «Adamnyń adamshylyǵy – jaqsy ūstazdan.»
· «Bíríńdí, qazaq, bíríń dos, kórmeseń ístíń bárí bos.»
Kúrd jáne qazaq halqyn ǵasyrlar boıy baılanystyryp kele jatqan basty qūndylyq – ózara syılastyq pen bauyrmaldyq. Osy ortaq ruhanı sabaqtastyqta Abaıdyń orny erekshe.
Ūly Abaıdyń mereıtoıy barshamyz úshín – danalyqqa bas ıíp, mádenıet pen dostyqty dárípteıtín mańyzdy sát.
Rafık Yakubūly Mırzoev,
«Barbang» Qazaqstan kúrdterí qauymdastyǵy basqarma keńesíníń tóraǵasy