Bul týraly QR Tótenshe jaǵdaılar mınıstrliginiń baspasóz qyzmeti málim etti, dep habarlaıdy Almaty-akshamy.kz Zakon.kz-ke silteme jasap.
"4 tamyzda saǵat 15:30-da TJM-nyń Abaı oblysyndaǵy bólimshesine "Semeı ormany" memlekettik orman tabıǵı rezervatynyń terıtorıasynda ot shyqqany týraly habarlama kelip tústi. Órtti jedel joıýǵa járdem kórsetý maqsatynda oqıǵa ornyna Abaı oblysy TJD kúshteri men quraldary dereý attandy", delingen habarlamada.
Áýeden barlaý jáne sý tógetin qurylǵyny qoldana otyryp, órtti sóndirý úshin QR Qorǵanys mınıstrligi men QR TJM Qazavıaqutqarý tikushaqtary oqıǵa ornyna attanǵany da naqtylanady.
Qazirgi ýaqytta TJM men orman sharýashylyǵynan tartylǵan kúshteri men quraldarynyń sany shamamen 130 adamdy jáne 25 tehnıkany quraıdy.
"Oqıǵa ornyna qosymsha kómek kúshi retinde Astana jáne Qaraǵandy oblysynan tótenshelikter kúshteri men tehnıkasyn tartý máselesi qarastyrylýda", dep naqtylaıdy vedomstvodan.
Rezervattyń aldyn-ala aqparaty boıynsha, órt alańy shamamen 15 gektardy quraıdy.
Tótenshelikter halyqty órt qaýipi kezeńinde óte saq bolýǵa shaqyrady.
Aıta ketsek, maýsym aıynda Abaı oblysynda orman órtenip, 60 myń gektar jasyl jelek jaramsyz bolyp qaldy.