Almaty qalasynyń ákimi Erbolat Dosaevtyń Bostandyq aýdany turǵyndarymen kezdesýinde kóshelerdi jóndeý jumystaryna qatysty suraq qoıyldy, dep habarlaıdy Almaty-akshamy.kz.
Nelikten negizgi joldar – Ál-Farabı jáne Abaı dańǵyldary bir ýaqytta jabyldy? Aınalma joldar, keri qozǵalys nege jasalmady? Munyń bárin qashan aıaqtaýdy josparlap otyrsyz?, dep surady aýdan turǵyny.
Qalada jol-jóndeý jumystary qolaısyzdyq týǵyzǵandar úshin ózimniń jáne ákimdiktiń atynan keshirim suraımyn. Ókinishke oraı, megapolısterdi damytýǵa qatysty máseleler – tek Almaty ǵana emes, kólik ınfraqurylymyn damytýǵa baılanysty ekenin aıtt qala ákimi Erbolat Dosaev.
Nelikten biz bıyl eki magıstraldyq joldy bastadyq? Men aıtqanymdaı, ál-Farabı dańǵylyna 2010 jyldan bastap ortasha jóndeý júrgizilmegen, al Abaı dańǵylyna 2012 jyldan bastap. Al jóndeý aralyq sıkl 5 jyldan 7 jylǵa deıin. Búgin ál-Farabı boıynsha biz 2 jóndeý aralyq merzimdi ótkizip aldyq. Mamandardyń baǵalaýy boıynsha, eger bıylǵy jyly joldar jasalmasa, qysqy kezeń aýyr bolar edi: jol shuńqyrlarǵa aınalady. Jabynnyń qabyrshaqtanýy men birneshe jaryqtardyń saldarynan ishinara jóndeý múmkin bolmady, sondyqtan tolyq jóndeý júrgizilýde.
Men jóndeý jumystaryn qalaı júrgizetinimiz týraly aqparatty estigen ári túsinistik tanytqan, óz baǵyttaryn aldyn ala belgilegen barlyq turǵyndarǵa rızashylyq bildiremin.Biz ál-Farabı dańǵylynan Asqarov kóshesinen bastap, Shyǵys aınalma jolǵa deıin bardyq. Búgingi tańda keptelister paıda bolatyn negizgi ýchaske-Ál-Farabı men Jarokov qıylysynda.
Eske salsaq, biz barlyq jumysty 6 bólimge bóldik. Eger siz Asqarov kóshesinen Dýlatı kóshesine deıingi jol ınfraqurylymyna qarasańyz-Dýlatı kóshesinde bólý jolaǵynda apatty ótkelder joq, biz keri qozǵalys jasaı almaımyz. Rozybakıev kóshesi men Jarokov kóshesinde qıyn, óıtkeni jolaıryqtary qarsy jolaqtarda jol qozǵalysyn durys uıymdastyrýǵa múmkindik bermeıdi. Alǵashqy múmkindik paıda bolǵannan keıin biz Syrǵabekov kóshesinen Esentaı arqyly ótetin kópirge deıingi keri qozǵalysty ashyp, negizgi júktemeni alyp tastadyq. Úlken qalalardyń bári osyndaı qıyndyqtarǵa tap bolady – bul aqıqat.
Biz qazir ońtústik jaǵy týraly aıtyp otyrmyz, biraq ál-Farabıdiń soltústik bóliginde ótetin jumystarmen baılanysty barlyq tájirıbeni eskeremiz.
Kartalarǵa sáıkes, dańǵyldardaǵy jol qozǵalysy saǵat saıyn baqylanady.Men keptelister paıda bolǵan jerlerdi (qyzyl nemese bordty jolaqtarǵa aýysatyn) únemi qarap otyramyn. Polısıa departamentimen jáne qalalyq mobıldilik basqarmasymen birlesip barlyq qajetti sharalardy qabyldaımyz. Biz 2gis jáne Yandex-pen kelistik, biz barlyq aqparatty qosymsha jańartamyz. Sondaı-aq, qalalyq mobıldilik basqarmasy kún saıyn marshrýttardyń ózgerýi týraly esep beredi. Bizdiń ortaq qalamyzdy qoldaıtyn adamdardyń túsinigi men tájirıbesi úshin taǵy da alǵys aıtqym keledi, -dedi ol.