Almatyda jylý jelilerindegi jóndeý jumystary kezinde Abaı dańǵyly boıyndaǵy ýchaskelerdiń birinde túngi ýaqytta kólik qozǵalysy shekteledi
25 shildedegi saǵat 22:00-den 26 shildedegi saǵat 08:00-ge deıin Almatynyń Áýezov aýdanyndaǵy Abaı dańǵyly boıynda, Altynsarın kóshesinen «Saryarqa» metro stansıasyna (Family saıabaǵy) deıingi aýqymda, batys baǵytta avtokólik qozǵalysy jabylady, dep habarlaıdy aqshamnews.kz
Shyǵys baǵytta kólik qozǵalysy ashyq bolady.
Ýaqytsha shekteýler jylýmen jabdyqtaý jelilerin aldaǵy jylytý maýsymyna daıyndaý sharalary aıasynda magıstraldyq qubyrjol ýchaskesinde josparly jóndeý jumystaryn júrgizýdiń qaýipsizdigin qamtamasyz etý maqsatynda engizilip otyr.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
«Almaty jylý júıesi» JSHS jáne ýaqytsha qolaısyzdyqtarǵa túsinistikpen qaraýdy suraıdy.