Almatynyń Áýezov aýdanynda jylý jelilerine jóndeý jumystaryn júrgizý úshin Abaı dańǵyly boıyndaǵy ýchaskelerdiń birindegi avtokólik qozǵalysyn ishinara shekteıdi, dep habarlaıdy aqshamnews.kz «Almaty jylý júıesi» JSHS-ne silteme jasap.
Almatyda jylý jelilerindegi jóndeý jumystary kezinde Abaı dańǵyly boıymen kólikter júrýi ishinara shekteletin bolady
Almatyda 1991 jyldan beri paıdalanylyp kele jatqan qubyrjolyn aýystyrý úshin Abaı dańǵyly boıyndaǵy kólik qozǵalysy shektelmek
9 tamyzdaǵy saǵat 23:00-den 12 tamyzdaǵy saǵat 10:00-ge deıin Almatynyń Áýezov aýdanynda Abaı dańǵyly boıymen «Royal Petrol» janarmaı quıý beketinen Saıyn kóshesine deıin shyǵys baǵytta avtokólik qozǵalysy ishinara shekteledi.
Abaı dańǵylynyń soltústik jaǵynda eki baǵyttaǵy avtokólik qozǵalysy uıymdastyrylady.
Ýaqytsha shekteýler atalǵan kóshe bóliginiń kólik júretin jol bóliginiń astynan ótetin, 1991 jyldan beri paıdalanýǵa berilgen uzyndyǵy 1838 metrlik qubyrdy qaıta jańǵyrtý ýchaskesinde josparly jumystardyń júrgizilýiniń qaýipsizdigin qamtamasyz etý úshin engizilip otyr.
Bul qubyr 406 kópqabatty turǵyn úıdi, 105 jeke turǵyn úıdi, 4 balabaqshany, 1 densaýlyq saqtaý nysanyn jáne taǵy basqa 6 nysandy jylýmen jáne ystyq sýmen qamtamasyz etedi. Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýlaryńyzdy suraımyz.
