Almatyda demalys kúnderi Abaı dańǵyly boıyndaǵy ýchaskelerdiń birinde avtokólik qozǵalysy shekteledi
2024 jylǵy 2-tamyzdaǵy saǵat 23:00-den 5 -tamyzdaǵy saǵat 08:00-ge deıin Almaty qalasynyń Áýezov aýdanynda Abaı dańǵyly boıymen Saıyn kóshesinen batys baǵytta «Qazaq Oil» janarmaı quıý beketine deıin kólik qozǵalysyna ishinara shekteý qoıylady. Abaı dańǵylynyń ońtústik jaǵy boıymen eki jaqty kólik qozǵalysy uıymdastyrylady.
Ýaqytsha shekteýler 1991 jyldan beri paıdalanylyp kele jatqan, jalpy uzyndyǵy 1838 metr bolatyn, kólik joly bóliginiń astynan ótetin qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý úshin engizilip otyr.
Bul qubyr 406 kóppáterli turǵyn úıdi, 105 jeke turǵyn úıdi, 4 balabaqshany, 1 densaýlyq saqtaý nysanyn jáne 6 basqa nysandy jylýmen jáne ystyq sýmen qamtamasyz etedi. Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýlaryńyzdy suraımyz.
«Almaty jylý júıesi» JSHS