Akredıtteý jáne reıtıńtiń táýelsiz agenttigi jyl saıynǵy táýelsiz reıtıńin júrgizdi.
Akredıtteý jáne reıtıńtiń táýelsiz agenttigi (ARTA) 2022 jyly Qazaqstan Respýblıkasyndaǵy JOO-ǵa suranystyń jyl saıynǵy táýelsiz reıtıńin júrgizdi. Reıtıńke Qazaqstan Respýblıkasynyń 35 joǵary oqý orny qatysty, sonyń ishinde Abaı atyndaǵy Qazaq ulttyq pedagogıkalyq ýnıversıteti úzdik bestikke endi. Osylaısha, bıyl ótken jylmen salystyrǵanda ustazdar ustahanasy óz kórsetkishin 1631 pýnktke jaqsartyp, pedagogıkalyq joǵary oqý oryndarynyń ishinde elimizdegi birinshi pedagogıkalyq ýnıversıtet mártebesin rastady, dep habarlaıdy Almaty-akshamy.kz ýnıversıtettiń baspasóz qyzmetine silteme jasap.
Instıtýsıonaldyq tıimdilik keńsesi ótken jyldyń nátıjelerimen salystyrmaly taldaý júrgizdi, atalǵan JOO kelesi baǵyttar boıynsha óz kórsetkishterin aıtarlyqtaı jaqsarta aldy.
Aıtalyq, «Pedagogıkalyq ǵylymdar» bakalavrıatynyń salalary boıynsha ınstıtýsıonaldyq reıtıńte 1-shi orynǵa ıe boldy.
- «Mektepke deıingi oqytý jáne tárbıeleý» óz kórsetkishterin 3-orynnan 1-orynǵa, «Matematıka muǵalimderin daıarlaý» – 2-orynnan 1-orynǵa;
- «Fızıka muǵalimderin daıarlaý» – 2-orynnan 1-orynǵa;
- «Informatıka muǵalimderin daıarlaý» – 3-orynnan 2-orynǵa jaqsartty.
««Pedagogıkalyq ǵylymdar» magıstratýrasynyń salalary boıynsha ınstıtýsıonaldyq reıtıńte Abaı ýnıversıteti 4-orynnan 2-orynǵa kóterildi. Máselen, «Mektepke deıingi oqytý jáne tárbıeleý» – 2-den 1-orynǵa; «Arnaıy pedagogıka boıynsha kadrlar daıarlaý» – 3-ten 1-orynǵa kóterildi»,- delingen ýnıversıtet habarlamasynda.
Sondaı-aq, ýnıversıtet bilim berý baǵdarlamalaryndaǵy alǵashqy oryndaryn taǵy da rastaı aldy:
Bakalavrıat boıynsha - «Bastaýyshta oqytý pedagogıkasy men ádistemesi»; «Alǵashqy áskerı daıyndyq muǵalimderin daıarlaý»; «Hımıa muǵalimderin daıarlaý»; «Bıologıa muǵalimderin daıarlaý»; «Geografıa muǵalimderin daıarlaý»; «Orys tili men ádebıeti muǵalimderin daıarlaý»; «Arnaıy pedagogıka mamandaryn daıarlaý».
Magıstratýra boıynsha: «Bıologıa pedagogtaryn daıarlaý»; «Orys tili men ádebıeti muǵalimderin daıarlaý»; «Shet tili muǵalimderin daıarlaý»; «Arnaıy pedagogıka boıynsha kadrlar daıarlaý» jáne «Quqyq».
«Pedagogıkalyq ǵylymdar» doktorantýra salalary boıynsha ınstıtýsıonaldyq reıtıńte ýnıversıtettiń kelesi bilim berý baǵdarlamalary belgilendi:
- «Mektepke deıingi oqytý jáne tárbıeleý»;
- «Hımıa páni muǵalimderin daıarlaý»;
- «Bıologıa boıynsha pedagogtardy daıarlaý»;
- «Geografıa páni muǵalimderin daıarlaý»;
- «Qazaq tili men ádebıeti muǵalimderin daıarlaý»;
- «Arnaıy pedagogıka boıynsha kadrlar daıarlaý» 1-oryndy ıelendi.
Joǵaryda kórsetilgenderdiń barlyǵynan basqa tuńǵysh ýnıversıtettiń bilim berý baǵdarlamalary kelesi baǵyttar boıynsha 10 úzdik baǵdarlamaǵa kire aldy:
- «Óner jáne gýmanıtarlyq ǵylymdar» – 8-oryn;
- «Áleýmettik ǵylymdar, jýrnalısıka jáne aqparat» – 6-oryn;
- «Bıznes, basqarý jáne quqyq» – 8-shi;
- «Jaratylystaný ǵylymdary, matematıka jáne statısıka» – 7-oryn.
«Abaı ýnıversıtetiniń kezekti jetistigi – búkil ýnıversıtet qaýymdastyǵynyń joǵary kásibı ujymynyń eńbeginiń jemisi ekeni sózsiz. Joǵarydaǵy jetistikterdi eskere otyryp, talapkerler durys tańdaý jasap, tuńǵysh ýnıversıtetke oqýǵa túsip, ony bitirý arqyly sapaly bilim alyp, ǵajaıyp pedagogıka áleminiń bir bóligi – eń asyl mamandyqtyń ókilderine aınalady»,- delingen baspasóz qyzmetiniń habarlamasynda.