Sınoptıkterdiń boljamynsha, búgin elimizde aýa raıy turaqsyz.
"Qazgıdromet" RMK 9 shildege arnalǵan aýa raıyna qatysty boljamdarymen usyndy, dep habarlaıdy Almaty-akshamy.kz
"Atmosferalyq frontaldy bólikterdiń ótýine baılanysty elimizdiń shyǵysynda, ońtústiginde, ońtústik-shyǵysynda, soltústik-shyǵysynda turaqsyz aýa raıy bolady dep kútiledi, jańbyr jaýady, respýblıkamyzdyń ońtústik-shyǵysynda, shyǵysynda naızaǵaı oınap, burshaq jaýady, qatty jel turyp, nóser bolady. Respýblıkamyz boıynsha jel ekpin alady dep kútiledi. Elimizdiń batysynda, soltústik-batysynda, soltústiginde jaýyn-shashynsyz aýa raıy kútiledi", delingen "Qazgıdromet" RMK taratqan aqparatta.
Batys Qazaqstan, Atyraý, Aqtóbe, Mańǵystaý, Qyzylorda jáne Ulytaý oblystarynyń basym bóliginde, Qostanaı oblysynyń ońtústiginde aptap ystyq saqtalady.
Batys Qazaqstan oblysynyń ońtústiginde, soltústiginde, Mańǵystaý oblysynyń ońtústiginde, soltústik-shyǵysynda, Atyraý oblysynyń ońtústiginde, Aqtóbe oblysynyń batysynda óte ystyq bolady dep boljanady.
Jambyl, Qyzylorda, Mańǵystaý, Batys Qazaqstan oblystarynyń basym bóliginde, Túrkistan oblysynyń shóldi aýdandarynda, ońtústiginde, Atyraý oblysynyń soltústiginde, Qostanaı, Qaraǵandy, Ulytaý, Jetisý oblystarynyń ońtústiginde, Aqtóbe oblysynyń ońtústiginde, ońtústik-shyǵysynda tótenshe órt qaýpi saqtalady.
Jetisý, Aqmola, Soltústik Qazaqstan oblystarynyń basym bóliginde, Abaı oblysynyń soltústiginde, Shyǵys Qazaqstan oblysynyń ońtústiginde, batysynda, Almaty qalasynyń ortalyǵynda, Qostanaı oblysynyń soltústik jartysynda, Pavlodar oblysynyń soltústik-batysynda, shyǵysynda órt qaýpi joǵary bolady dep kútiledi.