Sınoptıkter búgingi kún raıyn boljady
Qazgıdromet 9 qyrkúıekke arnalǵan aýa raıy boljamyn usynady, dep habarlaıdy Almaty-akshamy.kz.
Atmosferalyq aýa aǵyndardyń ótýine baılanysty elimizdiń ońtústik-batysynda, soltústik-batysynda, soltústiginde, ońtústiginde jáne ortalyǵynda jańbyr jaýyp, naızaǵaı jarqyldaıdy shyǵysynda nóser jańbyr jaýady. Tek batys óńirde aýqymdy antısıklon jotasynyń áserinen jaýyn-shashynsyz aýa raıy kútiledi.
Respýblıkanyń soltústiginde, soltústik-batysynda, ortalyǵynda, ońtústiginde jáne ońtústik-shyǵysynda jel kúsheıedi. Soltústiginde, soltústik-batysynda jáne ortalyǵynda tuman, shyǵysynda jáne elimizdiń ońtústik-shyǵysyndaǵy taýly aýdandarda – burshaq jaýýy yqtımal.
Shyǵys Qazaqstan oblysynyń batysynda, soltústik-batysynda, soltústik-shyǵysynda naızaǵaı jarqyldap, burshaq túsýi yqtımal. Jeldiń jyldamdyǵy 15-20 m/s jetedi. Túnde jáne tańerteń Aqmola oblysynyń soltústik-batysynda tuman kútiledi, túnde shyǵysynda, kúndiz soltústik-batysynda jel 15-20 m/s kúsheıedi.
Kúndiz Qostanaı oblysynyń soltústik-batysynda naızaǵaı oınaıdy, túnde jáne tańerteń shyǵysynda tuman túsedi, kúndiz oblystyń soltústik-batysynda jel turady, ekpini 15-20 m/s jetedi. Soltústik Qazaqstan oblysynyń soltústiginde naızaǵaı kútiledi, kúndiz jel 15-20 m/s kúsheıedi.
Túnde Pavlodar oblysynyń soltústiginde, shyǵysynda tuman túsedi, jeldyń jyldamdyǵy 15-20 m/s bolady. Kúndiz Jambyl oblysynyń shyǵysynda, ońtústik-shyǵysynda jáne taý bókteri aýdandarynda naızaǵaı oınap, burshaq kútiledi, naızaǵaı jarqyldaǵan kezinde jel 15-20 m/s kúsheıedi.
Kúndiz Almaty oblysynyń taýly jáne taý bókterindegi aýdandarynda naızaǵaı jarqyldaıdy, jeldiń jyldamdyǵy 15-20 m/s jetedi. Kúndiz Túrkistan oblysynyń batysynda jáne taýly aýdandarynda, Qyzylorda oblysynyń ońtústiginde jel 15-20 m/s kúsheıedi. Atyraý oblysynyń ortalyǵynda, túnde jáne tańerteń Qaraǵandy oblysynyń soltústiginde tuman kútiledi.
Túnde Aqmola, Pavlodar oblystarynyń soltústiginde, soltústik-shyǵysynda 2 gradýs úsik kútiledi, Soltústik Qazaqstan oblysynyń soltústiginde, Qostanaı oblysynyń soltústiginde jáne shyǵysynda topyraq betinde 2 gradýs úsik júredi.
Almaty, Jambyl, Túrkistan, Qyzylorda, Mańǵystaý, Atyraý, Aqtóbe, Qostanaı oblystarynyń basym bóliginde, Batys Qazaqstan oblysynyń soltústik-shyǵysynda jáne ońtústiginde, Qaraǵandy, Aqmola oblystarynyń batysynda, Pavlodar oblysynyń ortalyǵynda, Shyǵys Qazaqstan oblysynyń ońtústiginde jáne ońtústik-shyǵysynda órt qaýpi saqtalady.