Qasym-Jomart Toqaev búgin Reseıge jumys saparymen barady.
Prezıdent Qasym-Jomart Toqaev 8-9 mamyr kúnderi Reseıge jumys saparymen barady. Bul týraly Memleket basshysynyń baspasóz qyzmeti málim eti, dep habarlaıdy Almaty-akshamy.kz.
«Prezıdent Tver oblysyndaǵy Rjev memorıalyna baryp, 100-shi jáne 101-shi atqyshtar dıvızıalarynyń quramynda shaıqasyp, qaza tapqan qazaq jaýyngerleriniń rýhyna taǵzym etedi. Rjev shaıqasy Uly Otan soǵysy kezindegi eń iri urystardyń biri sanalady».
Sonymen qatar Memleket basshysy Trýbıno derevnásyndaǵy baýyrlastar zıratyna barady. Onda Prezıdenttiń ákesiniń aǵasy Qasym Boltaev ta jerlengen.
Rjev túbindegi shaıqasqa Qazaqstannan 22 myńǵa jýyq sarbaz ben ofıser qatysty.
Qasym-Jomart Toqaev 9 mamyr kúni Reseı Prezıdenti Vladımır Pýtınniń shaqyrýymen Uly Otan soǵysyndaǵy Jeńistiń 78 jyldyǵyna arnalǵan paradqa qatysady. Bul sharaǵa Reseı tarapy TMD-ǵa múshe elderdiń basshylaryn shaqyrǵan.