Boran, tuman, kóktaıǵaq
Sınoptıkter 2023 jyldyń 9 aqpanyna arnalǵan aýa raıy boljamymen bólisti, dep habarlaıdy Almaty-akshamy.kz.
Boljam boıynsha, elimizdiń ońtústigi, ońtústik-shyǵysy, shyǵysy, soltústigi sıklon yqpalynda qalyp otyr.
Atmosferalyq frontaldy bólikterdiń ótýine baılanysty elimizdiń basym bóliginde turaqsyz aýa raıy qalyptasady: respýblıkamyzdyń soltústik jartysynda jaıaý burqasyn júrip, qar jaýady, ońtústikte, ońtústik-shyǵysta jaýyn-shashyn túsedi dep kútiledi, elimizdiń ońtústiginde, taýly aımaqtary men taý bókterinde arakidik qar aralas jańbyr jaýady, elimizdiń shyǵysynda qalyń qar jaýady.
Respýblıkamyz boıynsha, sınoptıkter atap ótkendeı, jel kúsheıip, tuman basý jıi oryn alady, elimizdiń ońtústiginde, ońtústik-batysynda, ońtústik-shyǵysynda kóktaıǵaq bolady dep kútiledi.