Eldegi 20 aımaq boıynsha aı ishinde baǵa tek Almaty qalasynda ózgerissiz qalǵan.
Qańtar-qyrkúıek aralyǵynda Qazaqstanda 3,8 mlrd dana jumyrtqa basyldy, bul bir jyl burynǵy kórsetkishten 5,3%-ǵa joǵary, dep habarlaıdy Almaty-akshamy.kz.
Óńirlik bóliniste Soltústik Qazaqstan oblysy kósh bastap tur, jyl ishinde óndiris 40,7%-ǵa ulǵaıyp, 559,9 mln dana shyǵarylǵan. Ekinshi orynda Aqmola oblysy 555,5 mln dana jumyrtqa basylǵan, alaıda ónim jyl ishinde 7,4%-ǵa tómendegen. Qaraǵandy oblysynda byltyrǵy kórsetkishpen salystyrǵanda 2%-ǵa kem ónim alynyp, 472,9 mln danany qurady.
Qańtar-tamyz qorytyndysy boıynsha jergilikti kompanıalar ishki suranysty 96,3%-ǵa qamtyǵan, ótken jylǵy kórsetkish 94,4% bolǵan edi. Sáıkesinshe 3,7% ónim ımporttalǵan. Jyl basynan beri elimizge 130,8 mln dana jumyrtqa ákelingen, ótken jylǵydan 30,9%-ǵa kem.
Jumyrtqa eksporty kerisinshe 2,2 ese ulǵaıyp, 184,5 mln danaǵa jetken.
Bıylǵy qazan aıynyń qorytyndysy boıynsha jumyrtqa baǵasy bir aıda 6,3%-ǵa, jyl ishinde 14,8%-ǵa qymbattaǵan. Óńirler arasynda baǵa Ulytaý oblysynda birden 19,8%, Pavlodar oblysynda 14,7%, Qyzylorda oblysynda 13,6% kóterildi. Almaty oblysynda 0,4%-ǵa qymbattaǵan. Eldegi 20 aımaq boıynsha aı ishinde baǵa tek Almaty qalasynda ózgerissiz qalǵan.
Jyldyq kórsetkishte, jumyrtqa Qyzylorda oblysynda 52,2%, Qostanaı oblysynda 34,1%, Batys Qazaqstanda 32,5% qymbattasa, Almaty qalasynda 4%-ǵa, Jetisý oblysynda 0,4%-ǵa arzandaǵan.